TOP նոր
» » Աղետներն անցողիկ են, իսկ հայրենիքը՝ հավերժական. Շիրակի մարզպետի ուղերձը՝ երկրաշարժի 32-րդ տարելիցի կապակցությամբ

Աղետներն անցողիկ են, իսկ հայրենիքը՝ հավերժական. Շիրակի մարզպետի ուղերձը՝ երկրաշարժի 32-րդ տարելիցի կապակցությամբ

7-12-2020, 09:34 Դիտումներ: Հայաստան
Աղետներն անցողիկ են, իսկ հայրենիքը՝ հավերժական. Շիրակի մարզպետի ուղերձը՝ երկրաշարժի 32-րդ տարելիցի կապակցությամբ


7 Դեկտեմբեր 2020, 09:34 - NovostiNK
Շիրակի մարզպետ Տիգրան Պետրոսյանը ուղերձ է հղել երկրաշարժի զոհերի եւ աղետների դիմակայության օրվա կապակցությամբ: Ուղերձում ասվում է.

Հարգելի շիրակցիներ
Արդեն 32 տարի է անցել այն դաժան ու ահասարսուռ դեկտեմբերից, երբ խեղվեցին բազմաթիվ ճակատագրեր, ի չիք դարձան հազարավոր երազանքներ։
88-ի անմեղ զոհերի հիշատակն ու մեզ բաժին հասած դառնությունները նորովի վերապրում ենք նաև այսօր։ Ինչպես այն օրերին, այնպես էլ հիմա չկա մեկը, որի վիշտն ու կորստի ցավը չլինի խորապես անձնական։

Տարիներ առաջ մեր ազգին ու հատկապես շիրակցուն հատուկ՝ ցավին կուլ չգնալու և ամեն գնով այն դիմագրավելու պատրաստակամությամբ նայեցինք դեպի ապագան։

Հայի կենսագրությանը բաժին հասած այս փորձությունը ևս պետք է հաղթահարենք ու աներեր կանգնեք մայր հողի վրա, ինչպես ապրեցինք աղետալի երկրաշարժից հետո։

Հիշատակի այս օրը ևս մեկ առիթ է երախտիքի խոսքեր հղելու այն մարդկանց, որոնք չլքեցին իրենց հայրենիքն ու լծվեցին արհավիրքի հետևանքները վերացնելու բարդ ու պատասխանատու գործին, այն երկրներին, որոնք մեզ բաժին հասած ողբերգության առաջին իսկ օրվանից աջակցեցին ու սատար կանգնեցին։
Ամենամեծ ու անդառնալի կորուստը մարդկային կյանքն է։

Իմ խոնարհումն անմեղ զոհերի հիշատակին:

Հարգելի շիրակցիներ, ցանկանում եմ ձեզ կամք, ուժ, կորով և համբերություն։

Աղետներն անցողիկ են, իսկ հայրենիքը՝ հավերժական։
Աստված պահապան մեր հայրենիքին:

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS