TOP նոր
» » » Ռոբերտ Քոչարյանի ընդդեմ Նիկոլ Փաշինյանի գործով դատական նիստը՝ այսօր

Ռոբերտ Քոչարյանի ընդդեմ Նիկոլ Փաշինյանի գործով դատական նիստը՝ այսօր

10-01-2022, 10:06 Դիտումներ: Հայաստան » Իրավունք
10 Հունվար 2022, 10:06 - NovostiNK
Ռոբերտ Քոչարյանի ընդդեմ Նիկոլ Փաշինյանի գործով դատական նիստը՝ այսօր

Այսօր՝ հունվարի 10-ին, ժամը 12։00-ին Երևան քաղաքի ընդհանուր իրավասության դատարանում (Քանաքեռ նստավայր)՝ նախագահությամբ դատավոր Սերգեյ Սահակյանի, քննվելու է քաղաքացիական գործն ըստ հայցի ՀՀ երկրորդ նախագահ Ռոբերտ Քոչարյանի ընդդեմ Նիկոլ Փաշինյանի և Հայաստանի Հանրապետության։

ՀՀ երկրորդ նախագահ Ռոբերտ Քոչարյանի փաստաբանական թիմից հայտնում են, որ քաղհայցը վերաբերում է նախորդ տարվա մարտի 1-ին Հանրապետության հրապարակում հրավիրված հանրահավաքի ընթացքում Նիկոլ Փաշինյանի կողմից հնչեցրած զրպարտչական արտահայտություններին։

Ապրիլին Ռ․ Քոչարյանի պաշտպան Հայկ Ալումյանը հայց է ներկայացրել հրապարակայնորեն արտահայտված զրպարտությունից պատիվը և արժանապատվությունը պաշտպանելու և զրպարտությամբ պատճառված ոչ նյութական վնասի հատուցման պահանջով։

Նախորդ դատական նիստին Ալումյանը բացարկի միջնորդություն է ներկայացրել նախագահող դատավորին, քանի որ գործի մակագրումը կատարվել է ոչ համակարգչային եղանակով։ Սակայն բացարկի միջնորդությունը մերժվել է։

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS