TOP նոր
» » » «Դեմ! եմ». Մեր պայքարը Մայդանի հետ համեմատելը կոռեկտ չէ

«Դեմ! եմ». Մեր պայքարը Մայդանի հետ համեմատելը կոռեկտ չէ

21-03-2014, 15:06 Դիտումներ: Հայաստան » Հասարակություն
21 Մարտ 2014, 15:06 - NovostiNK
«Դեմ! եմ». Մեր պայքարը Մայդանի հետ համեմատելը կոռեկտ չէ«Մենք պայքարում ենք մեր իրավունքի համար, մեր ունեցած «մի» դրամը պարտադիր կերպով վերցնելու դեմ: Մենք չենք մանրանում օրենքի մանրամասնությունների մեջ, այլ պահանջում ենք հեռացնել պարտադիր բաղադրիչը»: Այսօր լրագրողների հետ հանդիպման ժամանակ ասաց «Դեմ! եմ» նախաձեռնության անդամ Դավիթ Մանուկյանը:

Անդրադառնալով վաղը տեղի ունենալիք երթին նա նշեց, որ իրենց հավաքին կմասնակցեն Նիկոլ Փաշինյանը, Ժիրայր Սեֆիլյանը և արվեստի ոլորտից` Աշոտ Ադամյանը:

Այն հարցին, թե ինչպես է որոշվել այս մարդկաց մասնակցությունը իրենց հավաքին Դավիթ Մանուկյանը պատասխանեց. «Հրավերը եղել է մեր կողմից և մերժում չի եղել: Սեֆիլյանը մեր ժողովրդի մեջ համարվում է պայքարի մարտիկ, իսկ Նիկոլ Փաշինյանն ասելիք ունի, մեզ սատարում է և այս հարցը բազմիցս բարձրացրել է ԱԺ-ում»:

Լրագրողների այն հարցին, թե պայքարը արդյոք կարող է Մայդան դառնալ, նախաձեռնության անդամն այդ համեմատությունը կոռեկտ չհամարեց` նշելով, որ իրենց ցանկությունը հասարակության երկու ուժերին իրար դեմ հանելը չէ, այլ պարզապես իրավունքի համար պայքարելը:

Դավիթ Մանուկյանը նախաձեռնության մարման շանսերը չնչին համարելով նշեց, որ հակառակը, այն ձնագնդի նման աճում է: Իսկ եթե խաղաղ ճանապարհով հարցը լուծում չստանա, ապա օրենքի սահմաններում քաղաքացիական անհնազանդության ձևերը շատ են և օրինակ, կարող են հայտարարություն տարածվել և բոլորը միաժամանակ գումար կանխիկացնել:

«Քաղաքացիական անհնազանդությունը շատ զորեղ զենք է, այն պետք է ճիշտ օգտագործել: Եթե ՍԴ-ն օրենքը ճանաչի սահմանադրական, կնշանակի, որ մենք, ցավոք, սպառեցինք ինստիտուցիոնալ մակարդակով հարցի լուծման հնարավորությունները և պետք է անցնենք այլ հարթակներ` օրենքի շրջանակում»,-ասաց Դավիթ Մանուկյանը:

Նախաձեռնության անդամները նաև ավելացրին, որ ոչ իշխանական չորս ուժերի հետ կապված իրենց օրակարգում հարց դրված չէ:


Աղբյուրը՝ Panorama

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS