TOP նոր
» » » Մեկնարկել է «Ազգային պատկերասրահ» միջազգային երաժշտական 10-րդ փառատոնը

Մեկնարկել է «Ազգային պատկերասրահ» միջազգային երաժշտական 10-րդ փառատոնը

8-05-2014, 17:45 Դիտումներ: Այլ » Մշակույթ
8 Մայիս 2014, 17:45 - NovostiNK
Մեկնարկել է «Ազգային պատկերասրահ» միջազգային երաժշտական 10-րդ փառատոնը
«Արվեստների պատկերասրահ» մշակութային հիմնադրամը` ՀՀ Մշակույթի նախարարության աջակցությամբ, մայիսի 7-ից հունիսի 3-ը ներկայացնում է «Ազգային պատկերասրահ» միջազգային երաժշտական 10-րդ փառատոնը, որի գլխավոր գործընկերը ՎիվաՍել-ՄՏՍ-ն է: Այս մասին հաղորդում է ՎիվաՍել-ՄՏՍ ընկերության մամուլի բաժինը:

«Այս դահլիճում իշխում է արվեստի ուժը` երաժշտության և կերպարվեստի համադրությունը: Նաև սա է կայացած փառատոնի գրավչությունը: Արդեն տասը տարի, դասական երաժշտության երկրպագու հանդիսատեսը վայելում է կոմպոզիտորական, կատարողական արվեստի լավագույն նմուշները և նորովի է բացահայտում պատկերասրահում ներկայացված գանձերը: ՎիվաՍել-ՄՏՍ-ը հպարտ է լինել այս փառատոնի գլխավոր գործընկերը: Այն նշանակալի երևույթ է Հայաստանի մշակութային կյանքում»,-նշել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

Հայաստանի Ազգային պատկերասրահի Որմնանկարների սրահում կայացել է հոբելյանական` 10-րդ փառատոնի հանդիսավոր բացման համերգը: Հնչել են Հենդելի, Վիվալդիի, Մոցարտի, Ռոսինիի ստեղծագործությունները: Համերգային ծրագիրը ներկայացրեց Հայաստանի Պետական կամերային նվագախումբը (գեղարվեստական ղեկավար և գլխավոր դիրիժոր՝ Վահան Մարտիրոսյան), դիրիժոր Հարություն Արզումանյանի ղեկավարությամբ, մենակատար՝ Վարդուհի Խաչատրյան, մեցցո-սոպրանո (Շվեյցարիա):

Փառատոնը հիմնադրվել է 2005թ.-ին: Յուրաքանչյուր գարուն այն հայ հանդիսատեսին է ներկայացնում դասական երաժշտարվեստի գլուխգործոցներ` հայ և օտարազգի ճանաչված երաժիշտ-կատարողների մասնակցությամբ:

Ավանդական դարձած փառատոնն իր շարունակականությունն է ստացել Հայաստանի հեռահաղորդակցության առաջատար օպերատոր ՎիվաՍել-ՄՏՍ-ի շնորհիվ, որն աջակցության իր առաքելությունը ստանձնել է 2006թ-ից:

2008-ից փառատոնն ընդգրկվել է ՀՀ Մշակույթի նախարարության՝ մշակութային միջոցառումների պետական աջակցության ծրագրում:

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS