TOP նոր
» » » Երևանում բացվել է Գյոթեի կենտրոնը

Երևանում բացվել է Գյոթեի կենտրոնը

18-12-2017, 12:10 Դիտումներ: Այլ » Մշակույթ
18 Դեկտեմբեր 2017, 12:10 - NovostiNK
Երևանում բացվել է Գյոթեի կենտրոնը

Դեկտեմբերի 16-ին ԱԳ նախարար Էդվարդ Նալբանդյանը մասնակցեց Երևանում Գյոթեի կենտրոնի բացմանը:

Հանդիսավոր արարողությունը ներկա էին Կրթության և գիտության նախարար Լևոն Մկրտչյանը, Գերմանիայի Գյոթեի ինստիտուտի նախագահ, դոկտոր պրոֆեսոր Կլաուս-Դիթեր Լեհմանը, Հայասատնի Գերմանիայի դեսպան Մաթիաս Քիսլերը, գիտության, մշակույթի գործիչներ, մտավորականներ:

Նախարարի խոսքով, Գյոթեն Արարատը համարում էր մարդկության բնօրրաներից մեկը և խոհրդաշական է, որ այսօր Գյոթեի անունը կրող մշակութային այս օջախը հանգրվանում է Արարատի ստորոտին։

«Համոզված եմ, որ այս կենտրոնի բացումը էականորեն կհարստացնի Երևանում միջազգային գիտակրթական, մշակութային կենտրոնների գործունեությունը։

Կենտրոնի բացումն էլ ավելի լայն հնարավորություններ է ստեղծում մեր երկրում Գերմանիայի ճանաչելիության բարձրացման, գերմաներենի և գերմանական մշակույթի տարածման, կրթական փոխանակումների և միջմշակութային երկխոսության խորացման համար։ Այս կենտրոնը հիմք է հանդիսանում հետագայում Գյոթեի անվան լիարժեք ինստիտուտի բացման համար։ Լիահույս եմ, որ համատեղ ուժերով մոտ ապագայում կյանքի կկոչենք նաև այդ կարևորագույն քայլը։

Գերմանիայի Գյոթեի անվան ինստիտուտն իր գործունեությամբ ապացուցում է, որ մշակույթը չի ճանաչում սահմաններ։ Աշխարհի 98 երկրում գործում է 159 Գյոթեի անվան ինստիտուտ, առկա են կենտրոններ գրեթե բոլոր մայրցամաքներում՝ Հյուսիսային Ամերիկայից մինչև Ավստրալիա։

Հարգելի պարոն Լեհման, գոհունակությամբ կարող ենք արձանագրել, որ Ձեր նախորդ այցի ժամանակ մեր հանդիպման ընթացում քննարկված ճանապարհային քարտեզն իրագործվում է։ Հավատացած եմ, որ նույն ոգով ենք իրականացնելու նաև հետագա համատեղ նախաձեռնությունները։

Երևանում Գյոթեի անվան նորաստեղծ կենտրոնի տնօրինությանը մաղթում եմ հաջողություններ և բեղմնավոր աշխատանք», - ասել է Է.Նալբանդյանը։

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS