TOP նոր
» » » Սերգեյ Սմբատյանի 2018-ի առաջին համերգը տեղի կունենա հունվարի 1-ին շվեյցարական Քրանս-Մոնտանայում

Սերգեյ Սմբատյանի 2018-ի առաջին համերգը տեղի կունենա հունվարի 1-ին շվեյցարական Քրանս-Մոնտանայում

29-12-2017, 12:19 Դիտումներ: Այլ » Մշակույթ
29 Դեկտեմբեր 2017, 12:19 - NovostiNK
Սերգեյ Սմբատյանի 2018-ի առաջին համերգը տեղի կունենա հունվարի 1-ին շվեյցարական Քրանս-Մոնտանայում

Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը 2018 թվականի առաջին ելույթը կունենա հունվարի 1-ին՝ մասնակցելով Շվեյցարիայի Քրանս-Մոնտանայում կայանալիք Crans-Montana Classics-ի 6-րդ ամանորյա գալա համերգին։ Սերգեյ Սմբատյանը կղեկավարի Միլանի Cameristi della Scala նվագախումբը։

Նվագախմբի մամուլի բաժնից հայտնում են, որ տոնական երեկոյի ընթացքում հանդիսատեսը կունկնդրի շքեղ ծրագիր. նվագախումբն ու դաշնակահար Յան Լիշեցկին երկու բաժնից բաղկացած համերգում կներկայացնեն Ֆրեդերիկ Շոպենի, Պյոտր Չայկովսկու, Ժորժ Բիզեի, Սերգեյ Պրոկոֆևի ստեղծագործություններից։ Եվ իհարկե, ավանդույթի համաձայն՝ Սերգեյ Սմբատյանն իր ղեկավարած համերգում կներկայացնի նաև հայկական կոմպոզիտորական արվեստը. կհնչեն հատվածներ Արամ Խաչատրյանի ստեղծագործություններից։

Քրանս-Մոնտանան շվեյցարական հայտնի լեռնային հանգստավայր է, որտեղ անցկացվում է մեծ ճանաչում ունեցող Crans-Montana Classics-ը, որի ընթացքում տեղի են ունենում դասական երաժշտության համերգներ աշխարհահռչակ երաժիշտների ու մենակատարների մասնակցությամբ։ Անցկացվում են նաև վարպետության դասեր, որոնց նպատակն է խթանել և օգնել նոր սերնդի երաժիշտներին։

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS