TOP նոր
» » » Վահրամ Դումանյանը մասնակցել է Մաչանենց մշակութային բերդաքաղաքի հռչակման արարողությանը

Վահրամ Դումանյանը մասնակցել է Մաչանենց մշակութային բերդաքաղաքի հռչակման արարողությանը

24-05-2021, 09:56 Դիտումներ: Այլ » Մշակույթ
24 Մայիս 2021, 09:56 - NovostiNK
Վահրամ Դումանյանը մասնակցել է Մաչանենց մշակութային բերդաքաղաքի հռչակման արարողությանը


«Հայ միասնության խաչ» բարեգործական մշակութային հասարակական կազմակերպությունն Էջմիածնում «հիմնել է» Մաչանենց մշակութային բերդաքաղաքը։ Մայիսի 21-ին «Մաչանենց տուն» կենտրոնում տեղի է ունեցել բերդաքաղաքի հռչակման հանդիսավոր արարողությունը, որին ներկա են եղել ՀՀ կրթության, գիտության, մշակույթի և սպորտի նախարարի պաշտոնակատար Վահրամ Դումանյանը և նախարարի տեղակալ Արա Խզմալյանը։ «Արմենպրես»-ին այս մասին հայտնեցին ՀՀ ԿԳՄՍ նախարարությունից:

ԿԳՄՍ նախարարի պաշտոնակատարը ողջունել է յուրօրինակ մշակութային օրրան ստեղծելու գաղափարը և միջոցառման շրջանակում «Հայ միասնության խաչ» կազմակերպության հիմնադիր Գրիգոր Մաչանենց Բաբախանյանին պարգևատրել ՀՀ ԿԳՄՍ նախարարության ոսկե մեդալով՝ հայ մշակույթի զարգացման և հանրայնացման գործում ունեցած ավանդի, նորարարական-ստեղծագործական մոտեցումների համար։

«Անսպառ երևակայություն, ստեղծարարություն, գաղափարների համարձակություն, գործում՝ կամք և նախաձեռնողականություն․ հենց այս հատկանիշների համադրման արդյունքում «Մաչանենց տուն» կենտրոնը դարձել է մշակութային գործիչների, սփյուռքահայերի, զբոսաշրջիկների սիրելի վայրերից մեկը։ Կենտրոնն այցելուներին տալիս է լիարժեք պատկերացում հայ մշակույթի, ժամանակակից արվեստի, ավանդական խոհանոցի մասին՝ այդ արժեքների որակյալ և ինքնատիպ մատուցման միջոցով։ Հարյուրավոր պատանիներ և երիտասարդներ մասնակից են դառնում կենտրոնի կրթական-ճանաչողական նախագծերին։ Այս ամենը խթան է հայրենասիրության և արժանապատվության համար»,- նշել է ԿԳՄՍ նախարարի պաշտոնակատար Վահրամ Դումանյանը և ի հաստատումն ասվածի՝ պարգևատրել Գրիգոր Մաչանենց Բաբախանյանին։

Շնորհակալություն հայտնելով պարգևի համար՝ Գրիգոր Մաչանենց Բաբախանյանն ընդգծել է, որ այն առաջինն է 34-ամյա գործունեության ընթացքում։ «Հայ միասնության խաչի» հիմնադիրը հավաստիացրել է, որ կազմակերպությունը չի շեղվելու իր առաքելությունից, և շեշտել, որ բերդաքաղաքի հիմքում հայի միասնության գաղափարն է․ «Ներկաներից յուրաքանչյուրն այս բերդաքաղաքի մի սյունն է։ Մեր գմբեթն ինքներս պետք է պահենք, այլապես ոչ ոք մեզ համար սյուն չի դառնա։ Մենք չպետք է հեռանանք Հայ առաքելական եկեղեցուց, մեր մշակութային արժեքներից և գիտակցենք, որ մեր հավատն անփոփոխ է, ազգային արժեքները՝ անսակարկելի»։

Շարունակելով հայ հոգևոր-մշակութային արժեքների պահպանման և հանրահռչակման, աշխարհին այն ավելի տեսանելի դարձնելու թեման՝ ԿԳՄՍ նախարարի պաշտոնակատար Վահրամ Դումանյանը նշել է․ «Բարդ օրեր ենք ապրում և հաճախ խոսում անվտանգության մասին։ Ես համոզված եմ՝ լավագույն անվտանգությունը գիտակցված, հոգևոր անվտանգությունն է, որի գլխավոր երաշխիքը կրթությունն է։ Հատկապես այս շրջանում մենք խստագույնս հոգևոր սննդի կարիք ունենք, ինչը, համոզված եմ, ստանում ենք նաև այս մշակութային բերդաքաղաքում։ Այստեղ մենք տեսնում ենք անվտանգության ծիլերը։ Ցանկանում եմ, որ դրանք անսահման պտուղներ տան»։

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS