TOP նոր
» » Արցախում նշվել է բերքի տոնը

Արցախում նշվել է բերքի տոնը

10-10-2016, 12:05Просмотров за месяц:Ֆոտոշարք
      10 Հոկտեմբեր 2016, 12:05 - NovostiNK
      Արցախում նախօրեին մեծ շուքով նշվել է Գյուղատնտեսության աշխատողի օրը: «Արցախպրես»-ի հաղորդմամբ` ԼՂՀ գյուղատնտեսության նախարարության նախաձեռնությամբ Ստեփանակերտի Վերածննդի հրապարակում վաղ առավոտյան սկսվել և օրվա ընթացքում շարունակվել է արցախյան գյուղատնտեսական մթերքների և արտադրատեսակների նմուշների ցուցահանդես-տոնավաճառ:

      Հանրապետության բոլոր տնտեսվարողներին և անհատներին հնարավորություն է ընձեռվել ցուցադրելու և վաճառելու իրենց մթերքն ու արտադրանքը: Տոնավաճառում ներկայացված բերքն ու բարիքն օրհնել է Հայ Առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը: Այնուհետև, ԼՂՀ նախագահ Բակո Սահակյանի գլխավորությամբ պաշտոնական պատվիրակությունը շրջել է տոնավաճառի տաղավարներով՝ ծանոթացել վաճառքի հանված գյուղմթերքներին և արտադրատեսակներին։

      ԼՂՀ գյուղատնտեսության նախարար Արամ Մխոյանն իր խոսքում ասել է, որ արդեն վեցերորդ տարին է, ինչ համաժողովրդական տոնախմբությամբ Ստեփանակերտում նշվում է գյուղատնտեսության աշխատողի և բերքի տոնը:

      «Տոնավաճառին մասնակցում են 600-ից ավելի մասնակիցներ՝ նախորդ տարվա 430–ի փոխարեն: Այս տարի գյուղատնտեսության աշխատողի տոնը տարբերվում է նրանով, որ ավելացել է նաև ներկայացվող արցախյան բերք ու բարիքի և գյուղատնտեսական մթերքի տեսականին և քանակը: Տոնը հնարավորություն է տալիս, որ անմիջական շփում ստեղծվի արտադրողի և սպառողի միջև: Ներկայացրել ենք նաև ժամանակակից ոռոգման կաթիլային համակարգով մշակված պտուղներ: Մեր կողմից ֆինանսավորվել են տրանսպորտային բոլոր ծախսերը։ Պայմանավորվածություն է ձեռքբերվել, որպեսզի տնտեսվարողները մթերքները վաճառեն շուկայականից ցածր գներով։ Մեր պայմանավորվածությունը պահպանվել է, ինչի մասին փաստում է նաև ժողովրդի մեծ հոսքը»,- ասել է նախարարը և շնորհավորել գյուղատնտեսությամբ զբաղվողներին մասնագիտական տոնի առթիվ։

      «Գյուղատնտեսական տարին նախորդ տարիների համեմատ բարեհաջող էր, հատկապես հացահատիկային մշակաբույսերի առումով»,- ասել է Քաշաթաղի շրջվարչակազմի ղեկավարի տեղակալ Արտուշ Մխիթարյանը և հավելել, որ Քաշաթաղում տարեցտարի ընդլայնվում են նաև բանջարաբոստանային մշակաբույսերի ցանքատարածություններն ու այգիները:

      Բերքի տոնն ուղեկցվում էր Ստեփանակերտի և ՀՀ մշակութային համույթների համատեղ կատարումներով:Միջոցառմանը ներկա են եղել նաև ԼՂՀ ԱԺ նախագահ Աշոտ Ղուլյանը, վարչապետ Արայիկ Հարությունյանը, պաշտոնատար այլ անձինք, զբոսաշրջիկներ, քաղաքացիներ։

      Աղբյուրը հայտնում են, որ այս տարվա միջոցառման գլխավոր հովանավորը ՀՀ-ում գործող «Սպայկա» սահմանափակ պատասխանատվության ընկերությունն է:

      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը
      Արցախում նշվել է բերքի տոնը

      Ընտրեք տեսանյութ
      Видео музыкальное окно
      Фоторепортажи
        Follow NovostiNK on Twitter Каталог Yerevan-city.com  
      RSS