TOP նոր
» » ՌԴ ԱԳՆ․ Պատրաստ ենք օժանդակել հայ-ադրբեջանական սահմանի իրավիճակի նորմալացմանը՝ դեէսկալացիոն միջոցառումներով և սահմանազատման աշխատանքների շուտափույթ մեկնարկով

ՌԴ ԱԳՆ․ Պատրաստ ենք օժանդակել հայ-ադրբեջանական սահմանի իրավիճակի նորմալացմանը՝ դեէսկալացիոն միջոցառումներով և սահմանազատման աշխատանքների շուտափույթ մեկնարկով

30-07-2021, 14:45 Դիտումներ: Տարածաշրջան
30 Հուլիս 2021, 14:45 - NovostiNK
ՌԴ ԱԳՆ․ Պատրաստ ենք օժանդակել հայ-ադրբեջանական սահմանի իրավիճակի նորմալացմանը՝ դեէսկալացիոն միջոցառումներով և սահմանազատման աշխատանքների շուտափույթ մեկնարկով


ՌԴ ԱԳՆ տեղեկատվության և մամուլի վարչության փոխտնօրեն Ալեքսանդր Բիկանտովը մեկնաբանություն է տարածել՝ հայ-ադրբեջանական սահմանին տիրող իրավիճակի հետ կապված։ Այս մասին տեղեկանում ենք ՌԴ ԱԳՆ-ից։

«Մենք լրջորեն անհանգստացած ենք վերջին ժամանակներս ադրբեջանա-հայկական սահմանի որոշակի հատվածներում զինված միջադեպերով, որոնք հանգեցրել են մարդկային զոհերի: Մենք մեր ցավակցությունն ենք հայտնում զոհվածների ընտանիքներին, վիրավորներն ապաքինում ենք մաղթում:

Ցավոք, իրավիճակը սահմանին շարունակում է մնալ լարված: Մենք կողմերին կոչ ենք անում զերծ մնալ ցանկացած գործողություններից, որոնք հղի են իրավիճակի հետագա դեգրադացիայով, լուծել բոլոր առաջացող խնդիրները քաղաքական և դիվանագիտական միջոցներով:

Ռուսաստանը պատրաստ է շարունակել անհրաժեշտ օժանդակությունը՝ հայ-ադրբեջանական սահմանի իրավիճակի նորմալացման համար՝ դեէսկալացիոն միջոցառումներով և սահմանի սահմանազատման և սահմանագծման համատեղ աշխատանքների շուտափույթ մեկնարկով: Մենք մտադիր ենք ակտիվորեն աշխատել Անդրկովկասը կայունության, անվտանգության և բարգավաճման գոտու վերածելու համար՝ համաձայն Ադրբեջանի Հանրապետության, Հայաստանի Հանրապետության և Ռուսաստանի Դաշնության ղեկավարների 2020 թվականի նոյեմբերի 9-ի և 2021 թ.-ի հունվարի 11-ի եռակողմ հայտարարությունների»,-ասվում է հայտարարության մեջ։

Նշենք, որ ՀՀ ՊՆ-ն հայտնել էր, որ հուլիսի 28-ին, ժամը 03։40-ի սահմաններում, ադրբեջանական ԶՈՒ ստորաբաժանումները հարձակում են ձեռնարկել հայ-ադրբեջանական սահմանի հյուսիս-արևելյան ուղղությամբ տեղակայված հայկական դիրքերի ուղղությամբ։

Ադրբեջանական ԶՈՒ ստորաբաժանումների կողմից նախաձեռնած հարձակումից հետո ծավալված մարտական գործողությունների արդյունքում, ժամը 08։30-ի դրությամբ, հայկական կողմն ունի երեք զոհ, ևս 4 զինծառայող վիրավորվել է։

Այսօր արդեն ՊՆ հաղորդմամբ, հուլիսի 29-ին, ժամը 23:00-ից սկսած, ՀՀ ԶՈւ հակաօդային պաշտպանության ստորաբաժանումները կասեցրել են հայ-ադրբեջանական սահմանի Գեղարքունիքի հատվածում ԱԹՍ-ների` ՀՀ օդային տարածք մուտք գործելու փորձերը:


Աղբյուրը՝ Panorama

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS