TOP նոր
» » » Սաակաշվիլին բաժանում է վրացական անձնագրեր՝ BBC

Սաակաշվիլին բաժանում է վրացական անձնագրեր՝ BBC

8-11-2013, 13:36 Դիտումներ: Տարածաշրջան » Վրաստան
Սաակաշվիլին բաժանում է վրացական անձնագրեր՝ BBC
8 Նոյեմբեր 2013, 13:36 - NovostiNK
Վրաստանի քաղաքացիություն ստանալ ցանկացող յուրաքանչյուր արտասահմանցուն անհրաժեշտ է միայն անձը հաստատող փաստաթուղթ. այսպիսին է Վրաստանի հեռացող նախագահ Միխայիլ Սաակաշվիլիի վերջին նախաձեռնություններից մեկը:

Նոյեմբերի 7-ին նախագահի ադմինիստրացիան հրապարակել է փաստաթղթերի ցուցակ, որն անհրաժեշտ է դիմում տալու համար՝ չափահաս քաղաքացուն անհրաժեշտ է իր հետ ունենալ իր երկրի անձնագիրն ու դրա՝ նոտարով հաստատված թարգմանությունը, որից հետո երկրի ղեկավարը կուսումնասիրի ու կստորագրի դիմումը մաքսիմալ նեղ ժամկետներում: Ընդ որում, ինքը՝ նախագահը, շտապեցնում է բոլոր ցանկացողներին. իր լիազորությունների ավարտին մնացել է շաբաթից մի փոքր ավելի ժամանակ:

Երկրի գործող նախագահն իր՝ անձնագրեր բաժանելու նախաձեռնությունը բացատրում է երկրի տնտեսության նկատմամբ հոգածությամբ: Իր խոսքով՝ վրացական քաղաքացիություն ստանալ հավակնողների շրջանում կան «գործարարներ, ովքեր վաղուց աշխատում են Վրաստանում: Երկրի քաղաքացու կարգավիճակով նրանք ավելի ակտիվ կաշխատեն ու ավելի շատ ներդրումներ կկատարեն»:

Սաակաշվիլին նշում է, որ մինչ այդ քաղաքացիություն հայցող դիմումների հոսքն անցնում էր արդարադատության նախարարության «ձեռքի տակով», որոնցից շատերն անհասկանալի պատճառներով մերժում էին ստանում: Այժմ նա որոշել է վերցնել նախաձեռնությունն իր ձեռքը:

Լիբերալի վերջին քայլը

Մինչ բոլոր ցանկացողներին քաղաքացիություն տալու որոշման կայացումը, Սաակաշվիլին արդեն նախաձեռնել էր քաղաքացիություն շնորհել Թուրքիայի վրացական ծագում ունեցող 2000 բնակիչներին:

Վրացական լրատվամիջոցները հայտնում են, որ նախագահական նստավայրում, որտեղ եւ իրականացվում է փաստաթղթերի ընդունումը, արդեն հերթեր են գոյացել:

Քաղաքացիություն ակնկալողների շարքերում են նախկին ԽՍՀՄ երկրների բնակիչներ, այդ թվում՝ Վրաստանի անմիջական հարեւաններ Հայաստանի ու Ադրբեջանի քաղաքացիներ: Քիչ չեն նաեւ Միջին Ասիայից, Մերձավոր Արեւելքից ու Աֆրիկայից եկածները:

Ընդ որում, վրացական նոր իշխանությունները՝ Բիձինա Իվանիշվիլիի թիմի ներկայացուցիչները, ընդհակառակը, մտահոգված են Վրաստան շտապող արտասահմանցիների այս հոսքով:

Մոտակա ժամկետներում երկրի խորհրդարանը մտադրված է քննարկել օրինագիծը երկրի վիզային օրենսդրության խստացման վերաբերյալ:

«Մեզ մոտ չափազանց լիբերալ է վիզային ռեժիմը: 118 երկրների քաղաքացիներ 360 օրերի ընթացքում կարող են ապրել Վրաստանում առանց վիզայի: Շատերը կարող էին ստանալ այն հենց օդանավակայանում: Այս կարգը փոփոխության կենթարկվի»,- հայտարարել է արդարադատության նախարարի տեղակալ Ալեքսանդր Բարամիձեն:

Հիշեցնենք՝ նախագահի ընտրությունները Վրաստանում անցկացվել էին հոկտեմբերի 27-ին: Ընտրություններում հաղթանակ է տարել «Վրացական երազ» կոալիցիայի թեկնածու Գեորգի Մարգվելաշվիլին՝ հավաքելով 62%-ից ավելի քվե:

Նրա ինաուգուրացիան կկայանա նոյեմբերի 17-ին:

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS