Արցախի Հանրապետության Նախագահ Բակո Սահակյանը նոյեմբերի 7-ին այցելել է հանրապետության հարավային թեւում տեղակայված մի շարք զորամասեր եւ տեղում ծանոթացել զինվորների առօրյային ու առկա խնդիրներին:Նախագահը նշել է, որ երկրի պաշտպանունակության շարունակական բարձրացումն ու ամրապնդումը միշտ եղել է եւ կլինի ԼՂՀ զարգացման առանցքային ուղղությունը:
Նույն օրը Բակո Սահակյանը Հադրութ քաղաքում հրավիրել է աշխատանքային խորհրդակցություն՝ նվիրված շրջանի սոցիալ-տնտեսական զարգացման հարցերին: Հատուկ ուշադրություն է դարձվել մերձարաքսյան հատվածում գյուղատնտեսական ծրագրերի իրականացմանը: Նախագահ Սահակյանը նշել է, որ այս տարածքի շենացումը մեծապես կնպաստի ոչ միայն Հադրութի շրջանի, այլեւ ողջ հանրապետության գյուղատնտեսության զարգացմանը:
Նախագահին ուղեկցում էին ԼՂՀ փոխվարչապետ Արթուր Աղաբեկյանը, պաշտոնատար այլ անձինք:
