TOP նոր
» » » Եթե Ռուսաստանը զենք չվաճառեր Ադրբեջանին, դա կաներ որևէ այլ երկիր. Վյաչեսլավ Կովալենկո

Եթե Ռուսաստանը զենք չվաճառեր Ադրբեջանին, դա կաներ որևէ այլ երկիր. Վյաչեսլավ Կովալենկո

8-11-2013, 13:37 Դիտումներ: Տարածաշրջան » Ռուսաստան
Եթե Ռուսաստանը զենք չվաճառեր Ադրբեջանին, դա կաներ որևէ այլ երկիր. Վյաչեսլավ Կովալենկո
8 Նոյեմբեր 2013, 13:37 - NovostiNK
Ռուսաստանի Դաշնությունը և Հայաստանը ռազմավարական գործընկերներ են. դա շատ բան բացատրում է, շատ բան պարտավորեցնում: Նոյեմբերի 8-ին լրագրողների հետ հանդիպմանը նման տեսակետ հայտնեց Կասպյան համագործակցության ինստիտուտի տարածաշրջանային ծրագրերի (ՌԴ) տնօրեն Վյաչեսլավ Կովալենկոն՝ անդրադառնալով Ռուսաստանի կողմից Ադրբեջանին զենք վաճառելուն:

«Եթե Ռուսաստանը զենք չվաճառի Ադրբեջանին, ապա այն կվաճառի Իսրայելը, այլ երկրներ: Սա այն հարցը չէ, որ կարող է կասկածի տակ դնել դաշնակցային հարաբերությունները ՌԴ և Հայաստանի միջև: Ռուսաստանը 20 տարվա ընթացքում Ադրբեջանի հետ գործընկերային, իսկ Հայաստանի հետ դաշնակցային հարաբերություններ պահպանելով՝ հասել է նրան, որ տարածաշրջանում խաղաղություն է, պատերազմը դադարեցված է, արյուն չի թափվում: Ես կարծում եմ՝ սա ամենամեծ ձեռքբերումներից է այն պայմաններում, երբ ԼՂ հարցը լուծելը շատ դժվար է: Այս հարցը շատ զգայուն հարց է, ամենափոքր սխալը կարող է ողբերգական հետևանքներ ունենալ»,- ասաց նա:

Կովալենկոն նշեց, որ կարևոր է նախևառաջ այս փուլում պահպանել խաղաղությունը տարածաշրջանում: ՌԴ-ն իր գործողություններով, հարաբերություններով, բանակցային գործընթացում անփոխարինելի միջնորդի դերը պահելով՝ Հարավային Կովկասում ներկա իրավիճակին է օգնում, մինչդեռ, ըստ Կովալենկոյի, ամբողջովին որևէ կողմին պաշտպանելով՝ Ռուսաստանը կվատացնի իրավիճակը, և կարող են պայմաններ ստեղծվել զինված հակամարտության վերականգնման համար:

Անդրադառնալով ԵՄ-ին Հայաստանի անդամակցման դեպքում սպասվող հեռանկարներին՝ նա նշեց, որ Հայաստանն Արևմուտքին պետք է իբրև դաշնակից՝ ՌԴ համար անախորժություններ ստեղծելու: Հարցը՝ իսկ Ռուսաստանին ինչի՞ համար է պետք Հայաստանը, Կովալենկոյին դուր չեկավ: «Իսկ Ռուսաստանին, սիրելիս… Դա պատմություն է, պատմություն կարդացեք: Դա ճանապարհ է, որ անցել են երկու պետությունները»,- ասաց նա:

Մաքսային միությանն անդամակցման դեպքում ԼՂ խնդրին անդրադառնալով՝ նա նշեց, որ հարցը դյուրիններից չէ: «Ես կարծում եմ՝ խնդիրը հեշտ չէ, ընդ որում՝ հենց նույն ԼՂ համար: Այն հեշտ չէ, քանի որ ԼՂ-ն ունի անկախ հանրապետության կարգավիճակ, դա որոշակի պարտավորություններ է նախատեսում նույն Հայաստանի համար՝ ճանաչե՞լ այն, թե՞ ոչ: Եթե Հայաստանը ճանաչի, ապա նաև նրա մասնակցության մասին խոսք կլինի, իսկ եթե չճանաչի, սա կլինի պրովոկացիոն քայլ, ազդանշան Ադրբեջանի համար»,- ասաց նա:

Կովալենկոն տեսակետ հայտնեց, որ Ռուսաստանն այս հարցում նույն չեզոք դիրքորոշումը կպահպանի, իսկ ԼՂ-ում մաքսակետ սահմանելու հարցի վերաբերյալ հստակ կարծիք հայտնելուց խուսափեց՝ նշելով, որ այս հարցում ճիշտ որոշումը կգտնեն:

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS