TOP նոր
» » » Պուտինը վերջին հրաժեշտն է տվել ԱԻ նախարար Եվգենի Զինիչևին

Պուտինը վերջին հրաժեշտն է տվել ԱԻ նախարար Եվգենի Զինիչևին

10-09-2021, 14:48 Դիտումներ: Տարածաշրջան » Ռուսաստան
10 Սեպտեմբեր 2021, 14:48 - NovostiNK
Պուտինը վերջին հրաժեշտն է տվել ԱԻ նախարար Եվգենի Զինիչևին


ՌԴ նախագահ Վլադիմիր Պուտինն այսօր ներկա է գտնվել ՌԴ ԱԻ զոհված նախարար Եվգենի Զինիչևի հրաժեշտի արարողությանը, որն անցկացվում է Մոսկվայում՝ Ճգնաժամային իրավիճակների վարչության ազգային կենտրոնում: Այս մասին գրում է «ՏԱՍՍ» գործակալությունը։

ՌԴ ղեկավարը ծաղկեփունջ է դրել պատվանդանին, որում ցուցադրված են եղել նախարարի պետական պարգևները: Այնուհետև մոտեցել է դաղագին, խաչակնքվել և խոնարհվել: Պուտինը մոտեցել է նախարարի հարազատներին, նստել նրանց կողքին: Նա սեղմել է նախարարի որդու ձեռքը և մի քանի մխիթարական խոսքեր ասել նրա այրուն։

Հարգանքի տուրք մատուցելով զոհված նախարարի ընտանիքին՝ ՌԴ նախագահը հրաժեշտի արարողության ժամանակ սեղմել է այրու ձեռքն ու կրկին մոտեցել դագաղին՝ կրկին խոնարհվել և հեռացել սգո սրահից։

Եվգենի Զինիչևին հուղարկավորելու են այսօր Սանկտ Պետերբուրգում: ՌԴ նախագահի խոսնակ Դմիտրի Պեսկովի խոսքով՝ Պուտինը չի ծրագրում ներկա գտնվել հուղարկավորության արարողությանը:

Հիշեցնենք, որ ԱԻ նախարարը մահացել է սեպտեմբերի 8-ին Նորիլսկում անցկացվող ուսումնական թռիչքի ժամանակ: Վերջինս ծառայողական պարտականությունները կատարելիս փորձել է փրկել կինոռեժիսոր Ալեքսանդր Մելկինի կյանքը:

Պուտինն ավելի վաղ հետմահու Ռուսաստանի հերոսի կոչում է շնորհել նախարարին:

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS