TOP նոր
» » » Իմփիչմենտ․ Ներկայացուցիչների պալատը Փենսին կոչ է անում հեռացնել Թրամփին իշխանությունից

Իմփիչմենտ․ Ներկայացուցիչների պալատը Փենսին կոչ է անում հեռացնել Թրամփին իշխանությունից

13-01-2021, 09:54 Դիտումներ: Աշխարհ » ԱՄՆ
13 Հունվար 2021, 09:54 - NovostiNK
Իմփիչմենտ․ Ներկայացուցիչների պալատը Փենսին կոչ է անում հեռացնել Թրամփին իշխանությունից


ԱՄՆ-ի նախագահ Դոնալդ Թրամփի աջակիցների կողմից երկրի Կոնգրեսի շենքը գրոհելուց օրեր անց Ներկայացուցիչների պալատի դեմոկրատ կոնգրեսականներն այժմ սկսել են Թրամփին պաշտոնից ազատելու գործընթաց:

Որպես առաջին քայլ է համարվում այն բանաձևը, որը կոչ է անում երկրի փոխնախագահ Մայք Փենսին ու Թրամփի կառավարության անդամների մեծամասնությանը կիրառել Սահմանադրության 25-րդ փոփոխությունը, որով նախագահը համարվում է անհամատեղելի այս պաշտոնում: Այս մասին գրում է Ամերիկայի Ձայնը։
«Իսկ եթե փոխնախագահն ու կառավարությունը չկիրառեն այս միջոցը, Կոնգրեսը կսկսի Թրամփին իմփիչմենթի ենթարկելու գործընթաց»,- հայտարարել է Ներկայացուցիչների պալատի նախագահ Նենսի Փելոսին:

Փենսն իհարկե չի պատրաստվում դիմել այդ քայլին: Սա նշանակում է, որ նախագահին անվստահություն հայտնելու հարցով քվեարկությունը կարող է տեղի ունենալ շաբաթվա կեսին` նրան մեղադրելով Twitter- ի իր էջում կատարած գրառումներով և իր աջակիցներին հղված արտահայտությունների միջոցով ապստամբություն հրահրելու մեջ:

Հիշենք Թրամփի հետևյալ խոսքերը. «Եթե չպայքարեք խենթի պես, այլևս չեք ունենա հայրենիք»:

Այսօր, երբ նախագահի պաշտոնում Բայդընի երդմնակալությանը մնացել է մեկ շաբաթից միայն մի քիչ ավելի ժամանակ, դեմոկրատներն ասում են, թե աշխատում են արագացված ռեժիմով:

Ու եթե դա նրանց հաջողվի անել, Թրամփն ԱՄՆ-ի պատմության մեջ կդառնա իմփիչմենթի երկու անգամ ենթարկված առաջին նախագահը:

Ինչպես վերլուծաբան Փոլ Բերմանն է ասում, «գործող նախագահի կողմից ԱՄՆ-ի կառավարության դեմ ապստամբության հրահրումն ամենավատ արարքն է, որը նախագահը կարող է թույլ տալ»: Նրա խոսքերով, կա ևս մի կարևոր հարց այս առումով: Եթե նա ենթարկվի իմփիչմենթի ու մեղադրվի, ապագայում այլևս երբեք չի ունենա իր թեկնածությունը դնելու իրավունք:

Որոշ հանրապետականներ ևս կարծում են, որ Թրամփը պիտի հեռանա մինչև նոր նախագահի պաշտոնավարումը: Ադամ Քինզինգերի խոսքերով, Թրամփն ինքը պիտի ներկայացնի հրաժարական, ինչ էլ ասում է նա, կդառնա ժողովրդի միջև առաջ եկած վերքերը բուժելու միջոց:

Կա կարծիք նաև, որ դեմոկրատներն այդ հարցը Սենատ ուղարկելու համար հավանաբար կսպասեն մի քիչ ավելի երկար, որպեսզի իմփիչմենթի հարցով դատավարությունն ընթանա Կոնգրեսի երկու պալատներում դեմոկրատների մեծամասնության պայմաններում:

Ընտրեք տեսանյութ
Видео музыкальное окно
Фоторепортажи
    Follow NovostiNK on Twitter Каталог Yerevan-city.com  
RSS